Naxçıvan Muxtar Respublikası Nazirlər Kabineti yeni qərarlar qəbul edib
Naxçıvan Muxtar Respublikasının Nazirlər Kabinetində 2020-ci ilin sentyabr ayının son 15 günü ərzində müəyyən qərarlar qəbul edilib və bir sıra tədbirlər həyata keçirilib.
Naxçıvan Muxtar Respublikası Nazirlər Kabinetinin mətbuat xidmətindən NUHÇIXAN İnformasiya Agentliyinə verilən məlumata görə, 16 sentyabr tarixli Qərara əsasən 2007-ci il 21 noyabr tarixli Qərarı ilə təsdiq edilmiş “Naxçıvan Muxtar Respublikası ərazisindəki daşınmaz tarix və mədəniyyət abidələrinin dünya, ölkə və yerli əhəmiyyət dərəcələrinə görə bölgüsü”ndə dəyişiklik edilərək “Babək rayonu” hissəsinin “Abidənin yerləşdiyi yer”, “Nehrəm kəndi” “Nehrəm qəsəbəsi” sözləri ilə, “Babək qəsəbəsi” “Babək şəhəri” sözləri ilə, və “Cəhri kəndi” “Cəhri qəsəbəsi” sözləri ilə əvəz edilmişdir.
Bundan başqa, “Naxçıvan Muxtar Respublikasında xüsusi təhlükəli heyvan xəstəliklərinin profilaktikası, diaqnostikası, müalicəsi və ləğvi məqsədilə dövlət büdcəsindən maliyyələşdirilən, dövlət sifarişi ilə göstəriləcək baytarlıq xidmətlərinin Siyahısı” təsdiq olunmuşdur.
Naxçıvan Muxtar Respublikası Nazirlər Kabinetinin 168 nömrəli Qərarına əsasən “Naxçıvan Muxtar Respublikasında fitosanitar tədbirlərinə və dövlət fitosanitar xidmətlərinə görə xidmət haqqının məbləğlərinin təsdiq edilməsi haqqında Qərar qəbul edilmişdir.
Qəbul olunan normativ-hüquqi aktların tam mətni ilə Naxçıvan Muxtar Respublikasının Hüquqi Aktların Dövlət Reyestrində (www.huquqiaktlar. nakhchivan.az) tanış olmaq mümkündür.