Ermənistan dinc insanlara qarşı terror törətdiyini rəsmi etiraf edib - VİDEO

Ermənistanın baş nazirinin baş müşaviri Vaqarşak Arutunyan düşmən ölkənin silahlı qüvvələrinin Azərbaycanın yaşayış məntəqələrini məqsədli şəkildə artilleriya atəşlərinə məruz qoyduğunu etiraf edib.

NUHÇIXAN İnformasiya Agentliyi xəbər verir ki, Ermənistan hökumətinin rəsmisi bu barədə Rusiyanın dövlət telekanalı “Rossiya 1”-ə müsahibəsində bildirib.

Vaqarşak Arutunyan bunun Azərbaycan vətəndaşları arasında təlaş yaratmaq üçün edildiyini bildirib. Qeyd edək ki, Ermənistan rəsmiləri dəfələrlə Azərbaycanın yaşayış məntəqələrini atəşə tutmalarını təkzib ediblər. Lakin Ermənistanın baş nazirinin baş müşaviri Vaqarşak Arutunyanın bu etirafı düşmən ölkənin hərbi-siyasi rəhbərliyinin məqsədli şəkildə hərbi cinayətlər törətdiyini sübuta yetirir.