Türkiyə mediası Prezident İlham Əliyevin gündəlik iş fəaliyyətinə geniş yer ayırmaqdadır - FOTOLAR

Türkiyənin nüfuzlu kütləvi informasiya vasitələri Ermənistanın təxribatları nəticəsində bölgədə yaranmış hərbi gərginliyə, eləcə də Prezident İlham Əliyevin gündəlik iş fəaliyyətinə geniş yer verməkdədir.

NUHÇIXAN İnformasiya Agentliyi xəbər verir ki, qardaş ölkə KİV-ləri Azərbaycan dövlət başçısının son günlər daha intensivləşən müsahibələri, dünya liderləri ilə təmasları, münaqişənin həlli ilə bağlı dəyişməz mövqeyi, düşmən tərəfə ünvanlandığı sərt mesajları, cəbhədəki vəziyyəti, işğalçı ölkənin təxribatları, eləcə də Azərbaycanın dinc əhalisi, mülki obyektlərin və infrastrukturun hədəf alınması, PKK terrorçularının düşmən tərəfindən xalqımıza qarşı döyüşməsi və s. fasiləsiz olaraq türkdilli ictimaiyyətə çatdırırlar.

Məlumatlarla Anadolu, İHA, DHA agentlikləri, TRT Haber, Haber Türk, TGRT, A Haber, Bengü TV, CNN türk telekanallarının, habelə “Akşam”, “Təqvim”, “Sözçü”, “Yeni çağ” və s. nüfuzlu qəzetlərin saytlarında tanış olmaq mümkündür.