Pakistan Silahlı Qüvvələri Azərbaycanın Dağlıq Qarabağla bağlı mövqeyini tam dəstəkləyir

Azərbaycanın Pakistandakı səfiri Əli Əlizadə ölkənin Silahlı Qüvvələrinin Birləşmiş Qərargah Rəisləri Komitəsinin (BQRK) sədri, ordu generalı Nadim Raza ilə görüşüb.

NUHÇIXAN İnformasiya Agentliyi xəbər verir ki, görüşdə regional təhlükəsizlik və qarşılıqlı maraq doğuran bir sıra məsələlər müzakirə olunub.

BQRK-nin sədri ölkələrimiz arasında möhkəm təməllər üzərində qurulan qardaşlıq əlaqələrindən bəhs edib, Pakistan Silahlı Qüvvələrinin BMT Təhlükəsizlik Şurasının yekdilliklə qəbul etdiyi qətnamələrə uyğun olaraq Azərbaycanın Dağlıq Qarabağla bağlı mövqeyini tam dəstəklədiyini bildirib.