Düşmən ordumuzun irəlilədiyini etiraf etdi - "Onlar cəbhə xəttini irəli çəkməyə nail oldular..."

NUHÇIXAN İnformasiya Agentliyinin məlumatına görə, Dağlıq Qarabağdakı qondarma erməni rejiminin başçısı Araik Arutyunyan Azərbaycan ordusunun oktyabrın 10-dan sonra da cəbhə xəttində irəlilədiyini, yeni əraziləri azad etdiyini etiraf etməyə məcbur olub.

Arutyunyan Azərbaycanı humanitar atəşkəsə dair Moskva razılaşmasından dərhal sonra daha qızğın döyüş əməliyyatlarına başladığını deyib. “Hansısa istiqamətdə onlar irəliləməyə, haradasa üstünlük əldə etməyə və cəbhə xəttini ərazilərin içərilərinə keçirməyə son günlərdə nail oldu”,-Arutyunyan “xalqa müraciətində” bildirib.