Türkiyə Milli Müdafiə Nazirliyi: Ermənistanın cinayət əməllərinə son qoyulmalıdır
Türkiyə Milli Müdafiə Nazirliyi “Twitter” hesabında paylaşım edib.
NUHÇIXAN İnformasiya Agentliyi Anadolu Agentliyinə istinadla xəbər verir ki, paylaşımda deyilir: “Ermənistanın apardığı müharibəni və insanlığa qarşı törətdiyi cinayətləri bütün dünyaya çatdırmaqdan geri çəkilməyəcəyik. Yaşayış obyektlərini hədəf alan, kaset bombaları və fosfor bombalarından istifadə edən Ermənistan indi də qəbiristanlığı ziyarətə gələn mülki insanları vurdu. Ermənistanın bu cinayət əməllərinə son qoyulmalıdır!”