Türkiyənin Müdafiə naziri Füzulinin azad olunması münasibətilə Azərbaycan ordusunu təbrik edib

583

“Ermənistanın törətdiyi bu vəhşiliyə səssiz qalanları tarix bağışlamayacaq”.

NUHÇIXAN İnformasiya Agentliyi NTV-yə istinadən xəbər verir ki, bunu Türkiyənin Milli Müdafiə naziri Hulusi Akar Azərbaycanın Müdafiə naziri Zakir Həsənovla telefon danışığında bildirib.

“Ermənistan yenə körpə, qadın, yaşlı demədən azərbaycanlı qardaşlarımızı qətlə yetirib. Ermənistan müharibə cinayəti törətməklə “atəşkəs”, “müzakirə” çağırışı edənlər isə bu hücumları uzaqdan izləməkdə davam edirlər. Mülki sakinlərə ballistik raketlərlə hücum əmrini verənlər mütləq bunun hesabını verəcək, bu vəhşiliyə səssiz qalanları da tarix əsla bağışlamayacaq.

Ərazi bütövlüyünü qorumaq, öz torpaqlarına qovuşmaq uğrunda mübarizəsində türk qardaşlarımızın yanında olmağa, haqlı davalarında bütün imkanlarımızla onları dəstəkləməyə davam edəcəyik”, - Türkiyənin Müdafiə naziri bildirib.

Füzuli şəhərinin işğaldan azad edilməsi, Ermənistana məxsus “Su-25” qırıcısının vurulması münasibəti ilə Azərbaycan ordusunu təbrik edən Hulusi Akar bütün şəhidlərə Allahdan rəhmət, yaralılara şəfa diləyib.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: