Vaşinqtonda hərəkət edən xüsusi yük avtomobili ABŞ ictimaiyyətini erməni təcavüzü haqqında məlumatlandırır - FOTOLAR

184

ABŞ-ın paytaxtı Vaşinqtonda üzərində rəsmi Yerevanın işğalçılıq siyasətini əks etdirən və Ermənistan silahlı qüvvələrinin Azərbaycan torpağlarından çıxmasını tələb edən rəqəmsal plakatların və mobil reklam lövhələrinin olduğu xüsusi avtomobil gün ərzində mərkəzi küçələri, meydanları dolaşaraq yerli ictimaiyyəti Ermənistanın işğalçılıq siyasəti barədə məlumatlandırır.

NUHÇIXAN İnformasiya Agentliyi xəbər verir ki, plakatlar üzərində “Qarabağ Azərbaycandır!”, “Ermənistan, Azərbaycan torpağından çıx!”, “Ermənistan silahlı qüvvələri Azərbaycanın işğal olunmuş ərazilərindən çıxmalıdır!”, “Erməni işğalına son qoyulsun” şüarları yer alıb. Avtomobil Vaşinqtonda yerləşən müxtəlif ölkələrin diplomatik missiyaları və Ermənistan səfirliyinin binası qarşısında bir neçə dəfə keçib və dayanıb. Təbliğat fəaliyyəti Vaşinqton şəhərinin sakinlərinin diqqətini cəlb edib, onlar baş verənlər barədə məlumatlar alıblar.

Bu təşəbbüs və kampaniya Amerika–Azərbaycan Qadınlar Assosiasiyasının rəhbəri Lalə Rəhimova tərəfindən irəli sürülüb və həyata keçirilib.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: