Yiyəsiz şəraitdə qalmışıq - Ermənilər xidmət etməkdən imtina edirlər - VİDEO
Son günlər sosial şəbəkələrdə erməni hərbçilərin narazılığını, acınacaqlı durumunu və fərariliyini əks etdirən videogörüntülər yayılır.
NUHÇIXAN İnformasiya Agentliyinin məlumatına görə, hərbçilərdən biri tərəfindən qeydə alınan videogörüntüdə deyilir:
- Biz 10 gündür ki, buraya gəlmişik. Yiyəsiz şəraitdə qalmışıq.
- Yiyəsiz olmamısınız! Mən sizin başınızın üstündə olmuşam.
- Nə edəcəyimizi bilmirik.
- Qaçanda bilməyəcəksiniz də!
- Silah atəş açmır!
- Ver bura! Baxım görüm! Silahın atəş açmır?! Silahı hər dəfə atəş açandan sonra təmizləmək lazımdır. Bəs palçığın içində dava edirsən! (silahdan atəş açır) Niyə atəş açdı?! Al tut! (silahı verir) Gəlin irəli! İndi mənimlə birlikdə piyada vuruşmağa gedirik!
- Mən konkret irəli getməyəcəyəm!
- Bunun üzünü çəkin! Birləşdir, bunun üzünü göstər.
- Birləşdirmə! Birləşdir! Sözümü deyim! Deyim ki, yiyəsiz camaatın çəkməsi yoxdur ki, geyinsin.
- Bəs ayağınızda nədir?!
- Mənim varımdı. O birinin yoxdur?!
- Kimin yoxdur?!
- "Buşlat" yoxdur, yağış, palçığın içindədirlər.
- Yalan deyirsən! Mən hərbi hissə komandiriyəm. Millət, baxın! Bizim erməni xalqı necə geri qaçır!
- Millətim, baxın! Erməni xalqı qaçmır. Erməni xalqının yiyəsi yoxdur, erməni xalqına xəyanət ediblər!
- Hərbi hissə komandiri cənab Mikayelyan, mən bunu sizə şəxsən göndərəcəyəm. Bu sözləri deyən, danışan razdanlıdır.
- Cənab Mikayelyan, sizin həmkəndlinizəm, Vartgezin oğluyam. Yiyəsizik! "Roqatka" ilə deyirlər ki, gedin! Silah istəyirik. Deyirlər ki, yoxumuzdur. Deyirlər, piyada tankın önünə gedin!
- Baxın, çiynində "roqatka" dır?! Mən bu videonu şəxsən sənə göndərəcəyəm. Yayloyandır. Baxın, erməni milləti, sənin müdafiəçilərin necə qaçır!
Qeyd edək ki, ümidsiz və artıq məğlubiyətlə barışan erməni əsgərləri və mülki vətəndaşlar Paşinyanın hamını döyüşə səsləyişinə etiraz edirlər. Arman Hakopyan adlı siyasi fəal öz sosial şəbəkə hesablarından mövcud hakimiyyəti ağılsız adlandırır. "Birini cəzalandırmaq istəyən Allah əvvəlcə onun ağlını alır. Deyək ki, hamı cəbhədə döyüşməyə getdi, nə olacaq axırı,bəs hanı bizim diplomatiyamız? Deyək ki,hamımız öldük və ya yaralandıq. Bununla hansı nəticəni əldə edəcəyik?", -deyə etirazını bildirir. Paşınyanın şirin nağıllarında mürgüləyən ermənilər görünür artıq oyanmağın vaxtı çatdığını anlayırlar. Diplomatiya sahəsindəki məğlubiyyətlərinin döyüş meydanındakının iki qatı olduğunu anlamaqları isə yəqin ki, uzun çəkməz.