İzmirdə 3 yaşlı qız 65 saat sonra dağıntılar altından sağ çıxarılıb

İzmirdə baş verən zəlzələ nəticəsində dağıntılar altında qalan 3 yaşlı Elif Perinçek 65, 14 yaşlı İdil Şirin isə 58 saat sonra sağ çıxarılıb.

NUHÇIXAN İnformasiya Agentliyi xəbər verir ki, təcili xəstəxanaya yerləşdirilən Elif dağıntılar altından yaralı olaraq xilas edilən 106-cı nəfər olub.

Artıq bir neçə gündür sosial mediada İdil və bacısının dağıntılar altında olduğu, onlardan heç bir xəbərin alınmadığı bildirilirdi. Elif xilas edilsə də, bacısı həlak olub.

Qeyd edək ki, hadisə nəticəsində həlak olanların sayı 79-a çatıb.

Axtarış-xilasetmə işləri davam etdirilir. İndiyədək bölgədə 43-ü 4 baldan yuxarı olan 1120 afterşok qeydə alınıb.