Misir portalı Ermənistanın Qubadlı məscidini təhqir etməsindən yazıb
Misirin “Aldiplomasy” informasiya portalı Qubadlı məscidinin Ermənistan tərəfindən təhqir əlaməti olaraq donuzxanaya çevrilməsi haqqında Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevin özünün “Twitter” hesabında açıqlamasını və videomaterialı yayıb.
NUHÇIXAN İnformasiya Agentliyi xəbər verir ki, Azərbaycanın işğaldan azad olunmuş Məmər kəndindəki XVIII əsrə aid məscid tamamilə dağıdılıb. Vandalizmlə yanaşı, XVIII əsrin dini-mədəni abidəsi işğal zamanı Ermənistan tərəfindən təhqir əlaməti olaraq donuzxanaya çevrilib.