Döyüşlər davam etsəydi, yekunda tam çöküş baş verəcəkdi - Paşinyan
Dağlıq Qarabağda döyüş əməliyyatları ilə bağlı qərarı cəbhə xəttindəki hərbçilər də dəstəkləyir.
NUHÇIXAN İnformasiya Agentliyi erməni KİV-lərinə istinadən xəbər verir ki, bunu növbəti dəfə "Facebook" vasitəsilə çıxış edən Ermənistan baş naziri Nikol Paşinyan deyib.
O, bildirib ki, döyüşlər bir qədər də davam etsəydi, yekunda tam çöküş baş verəcəkdi:
"Məhz buna görə bu cür qərar qəbul edildi. Təsadüfi deyil ki, bu günlərdə ön cəbhədən onlarla hərbçi bu qərarı dəstəkləyən videolar göndərir. Bu nəyi bildirir? Onlar vəziyyəti daha yaxşı başa düşür".