Rusiya Prezidenti: Qarabağ münaqişəsi zonasında vəziyyət sabitləşir

243

Bütövlükdə Qarabağ münaqişəsi zonasında vəziyyət sabitləşir.

NUHÇIXAN İnformasiya Agentliyi xəbər verir ki, Rusiya Prezidenti Vladimir Putin bu fikri xarici dövlətlərin Rusiyaya yeni təyin edilmiş səfirlərinin etimadnamələrinin təqdim edilməsi mərasimində söyləyib.

RF Prezidenti xatırladıb ki, Rusiya ATƏT-in Minsk qrupunun əldə etdiyi əsas razılaşmalara riayət etməklə münaqişənin nizamlanmasında vasitəçi kimi səy göstərir. V.Putin ümidvar olduğunu bildirib ki, müvafiq beynəlxalq təşkilatlar regionda zərər çəkmiş rayonların sakinlərinə kömək göstərilməsində, infrastrukturun bərpasında, normal dinc həyat şəraitinin formalaşmasında fəal iştirak edəcəklər.

Rusiya Prezidenti deyib: “Biz bunu əsas götürürük ki, bütün bu tədbirlər uzanan münaqişənin ədalətli qaydada, Azərbaycan və erməni xalqlarının mənafeyinə uyğun olaraq uzunmüddətli və tamformatlı nizamlanması üçün ilkin şərait yaradacaq”.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: