Erməni ekspert: “Əvvəlcə qoy Ermənistanın sərhədlərini aydınlaşdırsınlar, sonra…”
NUHÇIXAN İnformasiya Agentliyinin məlumatına görə, Ermənistanın yeni təyin edilmiş İqtisadiyyat naziri Vahan Kerobyan uzunmüddətli proqramlarda Azərbaycanla sərhədləri açmaq imkanı görür.
Erməni iqtisadçı Aşot Markosyanın sözlərinə görə, ən yaxşı proqramı hazırlamaq belə hələ yaxşı nəticəyə zəmanət vermir, çünki böyük risklər var, əgər bu risklər nəzərə alınmasa, bu yaxşı proqramın real olub-olmayacağını demək mümkün deyil.
Ermənistanın İxracatçılar birliyinin sədri Raffi Mxçyan yeni təyin edilmiş erməni nazirin dediklərini şərh etmək istəməyib.
“Əvvəlcə qoy Ermənistanın sərhədlərini bağlasınlar, sərhədləri dəqiqləşdirsinlər, erməni sərhədlərində hökmranlıq etsinlər, sonra digər sərhədləri açmaq haqqında danışsınlar və düşünsünlər”, - deyə Mxçyan qeyd edib.