Ermənistanda müharibə günlərində orduya dəstək verənlərdən bir çoxları pullarını geri tələb edirlər

Ermənistanda müharibə günlərində “Hayastan” ümumerməni fonduna məbləğlər köçürmüş ermənilərdən bəziləri ödəniş etdiklərinə görə dərindən peşman olurlar və bu gün bir çoxları pullarını geri tələb edirlər, lakin geri qaytarmaq üçün mexanizmlər yoxdur.

“Hraparak” nəşri yazır ki, ancaq fonda yox, ordu və müharibə ilə əlaqəsi olan fərdi şəxslərə ödəniş etmiş insanlar daha absurd vəziyyətə düşüblər, onlar sadəcə böyük məbləğlər ödəyərək düşünüblər ki, bunlar silah-sursat almağa xidmət edəcək, amma bu məbləğlər əsasən cibə axıb.

“Üstəlik, hətta bəziləri məbləğ xərcləri barədə “çek”lər veriblər, ancaq bunların saxta olduğu məlum olub. Bu insanlar indi bilmirlər ki, pullarını kimdən istəsinlər”, - deyə nəşr yazıb.