Ermənistan Çaylaqqala və Köhnə Tağlar kəndlərində itkin düşən hərbçilərinin sayını açıqlayıb
Xocavənd rayonunun Çaylaqqala və Köhnə Tağlar kəndlərindəki son hərbi əməliyyat zamanı Ermənistanın təxminən 73 hərbi qulluqçusu itkin düşüb.
NUHÇIXAN İnformasiya Agentliyinin məlumatına görə, bu barədə Ermənistan mətbuat orqanları məlumat yayıb.
Məlumata görə, müxtəlif yerli xəbər saytlarında itkin düşmüş hərbçilərin sayı barədə ziddiyyətli məlumatlar yayımlanır, hətta onların sayının 171 nəfər olduğu qeyd edilir. Ancaq Ermənistan rəhbərliyinin açıqlamasına görə, bu məlumatlar həqiqəti əks etdirmir və adı çəkilən kəndlərdə gedən əməliyyatlar zamanı 73 hərbçinin itkin düşdüyü rəsmi şəkildə təsdiqlənib.
Ermənistan Silahlı Qüvvələrinin baş qərargah rəisi general-polkovnik Onik Qasparyan vəziyyəti aydınlaşdırmaq üçün Xankəndinə gedib.