Zəngəzurun bu kəndinin bir hissəsi Azərbaycana qaytarılır

Azərbaycan və Ermənistan arasında sərhədlərin demarkasiya və delmitasiyası prosesi davam edir.

NUHÇIXAN İnformasiya Agentliyi Ermənistan KİV-nə istinadən xəbər verir ki, Gorus rayonunun Vorotan kəndinin Azərbaycana düşən hissəsi yaxın saatlarda geri qaytarılacaq. Belə ki, GPS sistemi ilə müəyyənləşdirilən sərhəd xətti kəndin 12 evinin Sovet xəritələrinə əsasən, Azərbaycanın Qubdalı rayonunun ərazisinə düşdüyünü göstərib. 

Gorus meri Aruş Aruşanyan da məlumatı təsdiqləyib.

“Hərbçiləri kəndin 12 evinin Azərbaycan ərazisinə düşdüyünü bildiriblər. Onlar kənd sakinlərinə 1 saat ərzində həmin evləri boşaltmağı tələb edib”.

Aruşanyan faktiki olaraq sərhəd xəttinin Vorotan kəndinin ortasından keçdiyini söyləyib. Xatırladaq ki, geri qaytarılan ərazi və evlər Sovet dövründə Qubadlı rayonunu Şahverdilər kəndinə aid olub.