Ermənistanda Rusiya hərbçisi yol qəzasında həlak olub

Rusiya hərbçisi Ermənistanın Gümrü şəhərində yol-nəqliyyat hadisəsi nəticəsində həlak olub.

NUHÇIXAN İnformasiya Agentliyi xəbər verir ki, bu barədə Rusiya Silahlı Qüvvələrinin Cənub Hərbi Dairəsi məlumat yayıb.

Məlumatda deyilir ki, Gümrü qarnizonunun rəhbərliyi Ermənistan hüquq-mühafizə orqanları ilə birlikdə rusiyalı hərbçinin yol-nəqliyyat hadisəsində həlak olması faktını araşdırır.

Hadisə yanvarın 23-də səhərə yaxın baş verib. Rusiya hərbçisinin idarə etdiyi avtomobil yol kənarında dayanmış yük avtomobilinə çırpılıb. Nəticədə hərbçinin avtomobili yanıb.