Moskvada Qarabağ üzrə üçtərəfli görüş keçirilib
Moskvada Azərbaycan, Ermənistan və Rusiyanın baş nazirlərinin müavinlərinin üçtərəfli görüşü keçirilib.
NUHÇIXAN İnformasiya Agentliyinin "Vesti.ru"ya istinadən verdiyi məlumata görə, görüşün iştirakçıları Qarabağın inkişafı planlarını müzakirə ediblər.
Bundan əlavə, həm avtomobil, həm də dəmir yolu nəqliyyatı ilə bağlı ekspertlərin hesabatları nəzərdən keçirilib. Sərhəd, gömrük nəzarəti də daxil olmaqla daşımalara nəzarət də müzakirə edilib.
Qeyd edilir ki, işçi qrupun növbəti iclası martın 1-i videokonfrans formatında keçiriləcək.