Türkiyədə helikopterin qəzaya uğraması ilkin ehtimala görə, hava şəraitinin qəfil pisləşməsi ilə bağlıdır

Türkiyənin şərqində hərbi helikopterin qəzaya uğraması ilkin ehtimala görə, hava şəraitinin qəfil pisləşməsi ilə bağlıdır.

NUHÇIXAN İnformasiya Agentliyi “Anadolu” agentliyinə istinadla xəbər verir ki, bunu ölkənin milli müdafiə naziri Hulusi Akar bildirib.

“İlkin məlumatlara və şahid ifadələrinə görə, helikopterin qəzaya uğraması qəfildən pisləşən hava ilə əlaqədardır. Lakin faktla bağlı istintaq araşdırmalarına da başlanılacaq. Hadisənin dəqiq səbəbi ətraflı araşdırmadan sonra müəyyənləşdiriləcək”, - nazir Akar belə deyib.

H.Akar faciənin ilk dəqiqələrindən etibarən aidiyyəti dövlət qurumlarının axtarış və xilasetmə işləri, ölənlərin və yaralananların cəsədlərinin təxliyəsi üçün bütün qüvvələri səfərbər etdiyini bildirib.