Qarabağda 25 mindən çox partlayıcı maddə zərərsizləşdirilib
Dağlıq Qarabağdakı Rusiya sülhməramlı qüvvələrinin mühəndis bölmələri əraziləri minalardan təmizləməyə davam edir. NUHÇIXAN İnformasiya Agentliyi xəbər verir ki, bu barədə Rusiya Müdafiə Nazirliyi məlumat yayıb.
Qeyd olunub ki, 23 noyabr 2020-ci ildən bəri 1835 hektar ərazi, 564 kilometr yol, 1644 tikili, 30 sosial əhəmiyyətli obyekt partlamamış hərbi sursatlardan təmizlənib, 25 376 partlayıcı maddə aşkar edilərək zərərsizləşdirilib.