Paşinyandan erməni əsgərlərin valideynlərinə: “Sabah azərbaycanlıların İrəvanda olmayacağından əminsiniz?”
“Baş nazirlə görüşə getmiş müddətli hərbi qulluqçuların valideynlərindən biri görüşdən sonra qeyd etdi ki, Qarabağda qulluq edən müddətli hərbi qulluqçuların təhlükəsizliyi üçün zəmanətlərlə bağlı suallar veriblər. Paşinyan buna cavab olaraq qeyd edib ki, sabah azərbaycanlıların İrəvanda olmayacağından əminsiniz?”.
NUHÇIXAN İnformasiya Agentliyi xəbər verir ki, bunu erməni hərbi ekspert Tiqran Abrahamyan deyib.
“Əlbəttə, əmin deyilik, xüsusən də ölkə sənin kimilərin əlindədirsə, Türkiyə və Azərbaycanın gündəlik böhtan-təhdidləri haqqında hələ danışmıram.
Niyə kimsə şübhə edir ki, azərbaycanlılar ilk imkan halında arzuladıqları məqsədə çatmağa, ermənini məhv etməyə və öz ocaqlarından uzaqlaşdırmağa, Qarabağın qalan hissəsini və Ermənistanı ələ keçirməyə çalışacaqlar?”, - deyə o qeyd edib.