Mariya Zaxarova: Rusiya və Azərbaycanın xarici siyasət idarələri arasında çox fəal dialoq həyata keçirilir

Rusiya və Azərbaycanın xarici siyasət idarələri arasında çox fəal dialoq həyata keçirilir.

NUHÇIXAN İnformasiya Agentliyi xəbər verir ki, RF XİN-in rəsmi nümayəndəsi Mariya Zaxarova bu sözləri Rusiya Federasiyasında akkreditə olunan xarici jurnalistlərlə görüşdə deyib.

M.Zaxarova vurğulayıb: “Bu yaxınlarda MDB Xarici İşlər Nazirləri Şurası çərçivəsində Azərbaycanın xarici siyasət idarəsinin başçısı ilə görüş olub. Onu deyə bilərəm ki, bu əlaqələr davam etdiriləcək. Hələ ki, bunun anonsunu verə bilmərəm, çünki biz bunu qarşılıqlı əsasda edirik, lakin bu əlaqələr davam edir. Səfirliklərimiz xətti ilə fəal dialoq aparılır”.