Qriqori Trofimçuk: Zəngəzur dəhlizi Njde ideologiyası üzərindən çarpaz xətlər çəkəcək
“Əgər Azərbaycan Zəngəzur üzrə infrastruktur məqsədlərini praktiki realizəyə qədər çatdıra bilərsə, onda Njde ilə bağlı “erməni onurğası” adlandırılan Sünik (Zəngəzur) ərazilərinə birdəfəlik çarpaz xətlər çəkiləcək. NUHÇIXAN İnformasiya Agentliyi xəbər verir ki, bunu “Kavbyuro”ya rusiyalı politoloq Qriqori Trofimçuk deyib.
“Mümkündür ki, biz ötən ilin payızından daha da ciddi tarixi hadisələrin ərəfəsindəyik. Ermənistanın daxili radikalizasiyası istənilən halda ölkənin dövlətçilik məsələsini ortaya qoyur. Belə ki, Azərbaycan onun yenidən necə silahlanmasını sakit şəkildə müşahidə edə bilməz”, deyə Rusiyanın analitiki bildirib.