Arayik Rusiya sülhməramlılarını və Yerevanı ifşa etdi: Qarabağda cəmi 35 min erməni var!

NUHÇIXAN İnformasiya Agentliyi xəbər verir ki, Xankəndidən Nikol Paşinyanın Yerevandakı qərargahına getməsinin səbəblərini izah etməyə çalışan Arayik Qarabağdakı ermənilərin Ermənistana möhtac olduqlarını deyib.
“Ermənistanla əlaqələr qurmadan 35 min “vətəndaşın” sosial probleminin həllini necə təsəvvür edirsiniz?”,- deyən separatçıların başçısı bununla Paşinyana dəstəyini izah etməyə çalışıb. Bununla da Arayik Arutyunyan hazırda Rusiya sülhməramlılarının nəzarət etdiyi ərazilərdə 35 min erməninin yaşadığını etiraf edib.
Halbuki, Rusiya Müdafiə Nazirliyi və separatçıların daha əvvəl yaydığı məlumatlarda bu rəqəm iki dəfə və daha çox şişirdilirdi.
Rusiya Müdafiə Nazirliyi sonuncu dəfə 52700 erməninin Qarabağa qaytarıldığını bildirmişdi. Xankəndidəki separatçılar və rəsmi Yerevan isə hətta bir qədər də irəli gedərək, 105 min erməninin Qarabağa qayıtdığını iddia edirdi.
Arayik Arutyunyan 35 min rəqəmini səsləndirməklə həm Rusiya Müdafiə Nazirliyinin, həm də rəsmi Yerevanın yalanını ifşa edib.