Naxçıvan nümayəndəliyinin rəhbəri İtaliya səfiri ilə görüşüb - FOTOLAR
Bakı şəhərində Naxçıvan Muxtar Respublikasının daimi nümayəndəliyinin rəhbəri Bəxtiyar Əsgərov İtaliya Respublikasının Azərbaycan Respublikasında yeni təyin olunan fövqəladə və səlahiyyətli səfiri Klaudio Taffuri ilə görüşüb.
Daimi nümayəndəlikdən NUHÇIXAN İnformasiya Agentliyinə bildiriblər ki, görüşdə iki ölkə arasında bir çox sahədə, xüsusilə, siyasi, iqtisadi, mədəni münasibətlər, Naxçıvan Muxtar Respublikası ilə əlaqələrin daha da yüksəldilməsi, qarşıda duran vəzifələr, regional vəziyyət, Zəngəzur dəhlizinin açılması, bir sıra layihələrin həyata keçirilməsi, rəsmi səfərlər və digər maraq doğuran məsələlər ətrafında səmimi müzakirələr aparılıb.