Qarabağda erməni hərbçilərin meyitlərinin qalıqları tapılıb

NUHÇIXAN İnformasiya Agentliyi Ermənistan mətbuatına istinadən xəbər verir ki, Azərbaycanın işğaldan azad olunmuş ərazilərində bu gün aparılan axtarışlar zamanı ikinci Qarabağ müharibəsində məhv edilmiş daha iki erməni hərbçinin meyitlərinin qalıqları tapılıb.

Məlumata görə, onlar hərbi əməliyyatlar zamanı məhv ediliblər. Aşkarlanan qalıqların şəxsiyyətləri məhkəmə-tibb ekspertizasından sonra məlum olacaq.

Qeyd edək ki, Ermənistanın Müdafiə Nazirliyi ölkənin ikinci Qarabağ müharibəsində məhv edilmiş və itkin düşmüş hərbçilərinin sayını gizlədir. Bununla yanaşı, Səhiyyə Nazirliyi də morqlarda saxlanılan və ekspertiza mərhələsində olan meyitlərin sayını ictimaiyyətdən gizli saxlayır.