Ukraynanın telekanalı: Azərbaycan Ordusu Şuşanı yüngül silahlarla və əlbəyaxa döyüşlə azad edib - FOTOLAR
Azərbaycan Ordusu artilleriya tətbiq etmədən, sadəcə, yüngül silahlarla və əlbəyaxa döyüşlə Şuşanı işğaldan azad edib.
NUHÇIXAN İnformasiya Agentliyi xəbər verir ki, bunu Ukraynanın nüfuzlu “5 kanal” telekanalının xüsusi müxbiri Şuşadan hazırladığı reportajı zamanı bildirib.
Reportajda qeyd edilib ki, Azərbaycan Ordusunun xüsusi təyinatlıları hündür qayalıqlara dırmaşaraq Şuşanı fəth ediblər. Ukraynalı jurnalist hərbçilərimizin qəhrəmanlığından, uğurlu döyüş yolundan bəhs edib.
Reportajda, həmçinin Şuşada açılan ilk çörək sexi, aparılan quruculuq işləri barədə məlumat verilib, şəhid ailəsinin üzvlərinin, Birinci Qarabağ müharibəsi veteranının fikirləri yer alıb.