Azərbaycan hərbçiləri Moskvada “Mədəniyyət Ordusu” yaradıcılıq müsabiqəsində iştirak edir - FOTOLAR

“Beynəlxalq Ordu Oyunları - 2021” çərçivəsində Moskvada “Mədəniyyət Ordusu” yaradıcılıq müsabiqəsi keçirilir.

Müdafiə Nazirliyinin mətbuat xidmətindən NUHÇIXAN İnformasiya Agentliyinə bildiriblər ki, müsabiqədə Azərbaycanı Həzi Aslanov adına Ordu İdeoloji və Mədəniyyət Mərkəzinin mahnı və rəqs ansamblının kollektivi təmsil edir. Yaradıcılıq müsabiqəsində komandamız “Vokal ustalığı”, “Xoreoqrafik bacarıq”, “Instrumental janr” və “Sərgi fəaliyyəti” mərhələləri üzrə mübarizə aparacaq.

Müsabiqə çərçivəsində hərbçilərimizin ifasında milli hərbi marşlar, o cümlədən Azərbaycan xalq çalğı alətlərinin ifası və milli rəqslərimiz təqdim olunacaq.

Müsabiqə avqustun 22-dən sentyabrın 5-nə kimi davam edəcək.

Yarışlara 20-dək ölkədən 500-dən artıq musiqiçi, vokalist və rəqqas qatılıb.