AŞ PA-da İkinci Qarabağ müharibəsinin ildönümündə onun fəsadları müzakirə olunacaq

İkinci Qarabağ müharibəsinin humanitar fəsadları Avropa Şurası Parlament Assmableyasının (AŞ PA) payız sessiyasında müzakirə olunacaq.

NUHÇIXAN İnformasiya Agentliyinin məlumatına görə, müzakirələr sentyabrın 27-də İkinci Qarabağ müharibəsinin başlanmasının ildönümündə debat formasında keçiriləcək.

Qeyd edək ki, AŞ PA-nın payız sessiyası sentyabrın 27-dən 30-dək hibrid formatda keçiriləcək. Ermənistan-Azərbaycan Qarabağ münaqişəsinə son qoymuş İkinci Qarabağ müharibəsi 44 gün, sentyabrın 27-dən noyabrın 10-u, Azərbaycan, Ermənistan və Rusiya liderlərinin üçtərəfli bəyanat imzalamasınadək davam etmişdi.