Sarayevonun ən hündür binasında Azərbaycanın Dövlət Bayrağı nümayiş olunub
27 sentyabr – Anım Günü ilə əlaqədar Bosniya və Herseqovinanın ən hündür binasında Azərbaycanın Dövlət Bayrağı nümayiş olunub.
NUHÇIXAN İnformasiya Agentliyi xəbər verir ki, Bosniya və Herseqovinadakı diplomatik nümayəndəliyimizin təşəbbüsü ilə ölkəmizin müstəqilliyi, suverenliyi və ərazi bütövlüyü uğrunda canlarından keçən şəhidlərimizin əziz xatirəsinə ehtiram əlaməti olaraq “Sarayevo Biznes və Ticarət Mərkəzi"nin media fasadında Azərbaycan bayrağı və zəfər simvolu olan "Xarıbülbül" nümayiş etdirilib.