Misir mətbuatı Prezident İlham Əliyevin Zəngilan rayonuna səfəri ilə bağlı materiallar yayıb - FOTOLAR

Misirin “Əl Ğad” və “Yeni dünya xəbərləri” informasiya portallarında Azərbaycan Prezidenti İlham Əliyevin və birinci xanım Mehriban Əliyevanın işğaldan azad edilmiş Zəngilan rayonuna səfəri barədə xəbər və fotoşəkillər yayımlanıb.

NUHÇIXAN İnformasiya Agentliyinin məlumatına görə, yayımlanan xəbərlərdə dövlətimizin başçısının Zəngilan rayonunda bir sıra açılışlarda iştirak etməsi, Ağalı kəndində həyata keçirilən “Ağıllı kənd” layihəsi çərçivəsində görülən işlərlə və Zəngilan Beynəlxalq Hava Limanında tikintinin gedişi ilə tanış olması, rayon ictimaiyyətinin nümayəndələri ilə görüşü haqqında geniş məlumatlar yer alıb.