Zəfər Günü münasibətilə Ankaranın Atakule qülləsi üzərində Azərbaycan bayrağı əks olunub - FOTOLAR

Türkiyənin paytaxtı Ankaranın rəmzi sayılan Atakule qülləsi 8 Noyabr – Zəfər Günü ilə əlaqədar xüsusi dizaynla işıqlandırılıb.

NUHÇIXAN İnformasiya Agentliyi xəbər verir ki, işıqlandırma prosesində Atakule üzərində türk və ingilis dillərində “Azərbaycanın Zəfər Günü mübarək olsun!” ifadəsi də əks etdirilib.

Qeyd edək ki, milli təqvimimizə aid mühüm günlərdə Atakulenin Azərbaycana dəstək və həmrəylik nümayişi məqsədilə dövlət bayrağımızın rəngləri ilə işıqlandırılması ənənə halını alıb.

Əvvəllər olduğu kimi budəfəki işıq şou yerli kütləvi informasiya vasitələri tərəfindən də geniş işıqlandırılıb.