Qırğızıstan portalı Azərbaycan Prezidentinin Soçiyə səfəri və görüşləri ilə bağlı materiallar verib - FOTOLAR

NUHÇIXAN İnformasiya Agentliyi xəbər verir ki, Qırğızıstanın “goldenbridgenews.com” portalı öz səhifəsində Azərbaycan Prezidenti İlham Əliyevin Soçiyə səfəri və görüşləri ilə bağlı materiallar yerləşdirib.

Portal noyabrın 26-da Soçidə Azərbaycan Respublikasının Prezidenti İlham Əliyev ilə Rusiya Federasiyasının Prezidenti Vladimir Putin arasında ikitərəfli görüş, Azərbaycan Prezidenti İlham Əliyev, Rusiya Prezidenti Vladimir Putin və Ermənistanın baş naziri Nikol Paşinyan arasında üçtərəfli danışıqlarla bağlı materialları çap edib.

Saytda Azərbaycan Prezidenti İlham Əliyev, Ermənistanın baş naziri Nikol Paşinyan və Rusiya Federasiyasının Prezidenti Vladimir Putinin Bəyanat imzalaması, Rusiya Prezidenti Vladimir Putin, Azərbaycan Prezidenti İlham Əliyev və Ermənistanın baş naziri Nikol Paşinyan arasında keçirilən üçtərəfli görüşdən sonra Rusiya Prezidenti, Azərbaycan Prezidenti və Ermənistanın baş nazirinin mətbuata bəyanatla çıxış etmələri ilə əlaqədar materiallar da yer alıb.