Ermənistan Kəlbəcər istiqamətində törətdiyi təxribat nəticəsində itkilərinin olduğunu etiraf edib

Ermənistan Kəlbəcər rayonu istiqamətində törətdiyi təxribat nəticəsində itkilərinin olduğunu etiraf edib.

NUHÇIXAN İnformasiya Agentliyinin məlumatına görə, bu barədə Ermənistan KİV-ləri yazır.

Qeyd olunur ki, Ermənistan tərəfindən bir nəfər ölüb, daha bir neçə hərbçi yaralanıb.

Xatırladaq ki, Ermənistan dekabrın 10-u saat 12:00-dan etibarən Kəlbəcər rayonu ərazisində yerləşən Azərbaycan Ordusunun mövqelərini atəş altında saxlamağa cəhd edib. Qısa müddət ərzində görülən cavab tədbirləri nəticəsində qarşı tərəf susdurularaq, onun təxribat xarakterli fəaliyyətləri dayandırılıb.