Nikol Paşinyan: "İlham Əliyevlə görüşlərdən sonra dinc eranın inkişafı üçün imkanlar yaranıb"
“Azərbaycan Prezidenti İlham Əliyev ilə noyabrın 26-da Soçidə və dekabrın 14-də Brüsseldə keçirilən görüşlərdən sonra Ermənistan və region üçün dinc eranın inkişafına dair imkanlar yaranıb”.
NUHÇIXAN İnformasiya Agentliyi TASS-a istinadən xəbər verir ki, bu barədə Ermənistanın Baş naziri Nikol Paşinyan Milli Təhlükəsizlik Xidməti əməkdaşları ilə görüşdə bildirib.
Həmin görüşlə bağlı hökumətinin dekabrın 20-də yaydığı pres-relizə əsasən N. Paşinyan deyib: “Qeyd etmək istəyirəm ki, Soçi və Brüssel görüşündən sonra biz addım-addım ölkəmiz və regionun inkişafı üçün yeni eranın açılması istiqamətində irəliləyirik. Ermənistan hökuməti bu istiqamətdə irəliləmək üçün bütün imkanlardan istifadə edəcək”.