Tərəfdaşlığın 30 illiyi münasibətilə keçiriləcək tədbirlərlə bağlı Azərbaycanla birgə işləyirik - BMT rəsmisi
Biz Azərbaycan və BMT arasında tərəfdaşlığın 30 illiyi münasibətilə keçiriləcək tədbirlər üzərində Prezident Administrasiyası və Xarici İşlər Nazirliyi ilə birgə işləyirik.
NUHÇIXAN İnformasiya Agentliyi xəbər verir ki, bunu jurnalistlərə BMT-nin Azərbaycandakı rezident əlaqələndiricisi Vladanka Andreyeva deyib.
Onun sözlərinə görə, birinci tədbir martın 2-də, Azərbaycanın BMT-yə üzv olduğu gün, ikinci tədbir oktyabrın 24-də qeyd olunan BMT Günündə keçiriləcək.
V.Andreyeva qeyd edib ki, həmçinin tərəfdaşlığın 30 illiyinə həsr olunmuş bir sıra sərgilər, "dəyirmi masa" müzakirələri təşkil olunacaq.
O əlavə edib ki, tezliklə digər tədbirlərin cədvəli də elan olunacaq.