Əlahiddə Ümumqoşun Ordu komandanı “Sarsılmaz Qardaşlıq” təlim mərkəzində - FOTOLAR

Azərbaycan müdafiə nazirinin müavini, Əlahiddə Ümumqoşun Ordusunun komandanı, general-polkovnik Kərəm Mustafayev Türkiyədə “Sarsılmaz Qardaşlıq-2022 Kompüter Dəstəkli Komanda Qərargah Təlimi”nin ilkin hazırlıq mərhələsinin icra edildiyi Təlim İdarəetmə Mərkəzində olub.

NUHÇIXAN İnformasiya Agentliyi xəbər verir ki, bu barədə Türkiyə Müdafiə Nazirliyinin məlumatında bildirilib.

Məlumata görə, Kərəm Mustafayev və Türkiyə Respublikasının 3-cü Ordu Komandanı, general-polkovnik Yavuz Türkgənci ilə birgə Təlim İdarəetmə Mərkəzində prosesi izləyib.