Daha bir erməni hərbçinin cəsədi tapılıb
İkinci Qarabağ müharibəsi zamanı məhv edilən daha bir erməni hərbi qulluqçunun cəsədinin qalıqları tapılıb.
NUHÇIXAN İnformasiya Agentliyi erməni KİV-ə istinadən xəbər verir ki, cəsəd Xocavənd rayonu ərazisində aşkar edilib.
Cəsədin kimə məxsus olduğunu müəyyənləşdirmək üçün ekspertiza təyin edilib.
Bununla da, müharibədən sonra azad edilən Azərbaycan ərazilərindən tapılan erməni hərbi qulluqçulara məxsus cəsədlərin sayı 1710-a çatıb.