Müdafiə Nazirliyi: Azərbaycan ordusunun Tağaverd kəndi istiqamətində atəş açması barədə məlumat təxribat xarakterlidir
Azərbaycan Müdafiə Nazirliyi Azərbaycan Ordusunun Xocavənd rayonunun Tağaverd kəndi istiqamətində atəş açması barədə məlumatlara münasibət bildirib.
Nazirlikdən NUHÇIXAN İnformasiya Agentliyinə bildirilib ki, ermənilərin yaydıqları bu informasiyalar həqiqəti əks etdirmir.
"Erməni sosial şəbəkələrində Rusiya sülhməramlılarının müvəqqəti yerləşdiyi Azərbaycan ərazisində Ordumuzun bölmələri tərəfindən Xocavənd rayonunun Tağaverd kəndi istiqamətində guya atəşin açılması barədə yayılan məlumat yalandır, təxribat xarakteri daşıyır", - Müdafiə Nazirliyindən qeyd olunub.