Ukrayna səfiri: “Azərbaycan vətəndaşlarından dəstək zəngləri və mesajlar aldıq”

“Bu gün Azərbaycanın sadə vətəndaşlarından, xüsusən də sosial şəbəkələrdə Ukraynaya dəstək üçün çoxlu telefon zəngləri və mesajlar aldıq. Bu, mənə İkinci Qarabağ müharibəsi zamanı sadə ukraynalıların Azərbaycanı necə dəstəklədiyini xatırladır”.

NUHÇIXAN İnformasiya Agentliyi xəbər verir ki, bunları Ukraynanın Azərbaycandakı səfiri Vladislav Kanevski feysbukdakı hesabında yazıb.

“Ölkəmiz üçün belə çətin bir zamanda Ukrayna xalqı ilə həmrəylik nümayiş etdirən bütün azərbaycanlılara dərin təşəkkürümüzü bildiririk!”, - səfir əlavə edib.