Azərbaycanın Qahirədəki səfirliyi Ukraynadan Misir kurortlarına gəlmiş vətəndaşlarımıza müraciət edib
Azərbaycanın Misirdəki səfirliyi Ukrayna ərazisindən Şarm əl-Şeyx və Hurqada kurort mərkəzlərinə istirahətə gəlmiş vətəndaşlarımıza müraciət edib.
Səfirliyin konsulluq şöbəsindən NUHÇIXAN İnformasiya Agentliyinə bildiriblər ki, Ukraynadan gəlmiş və həmin ölkəyə qayıtmaq imkanı olmayan Azərbaycan vətəndaşlarının Vətənə qayıtması üçün bütün tədbirlər görüləcək. Diplomatik nümayəndəliyimiz onlardan konsulluq şöbəsində fəaliyyət göstərən “qaynar xətt”ə müraciət etməyi xahiş edib.