Azərbaycanın XİN başçısı: “Avropa Parlamentinin son qətnaməsi tamamilə əsassızdır”
“Avropa Parlamentinin son qətnaməsinə lazımi cavab verilib. Azərbaycan Parlamentində bu məsələyə ciddi reaksiya verilib”.
NUHÇIXAN İnformasiya Agentliyi xəbər verir ki, bunu Azərbaycanın xarici işlər naziri Ceyhun Bayramov Antalya Diplomatiya Forumu çərçivəsində “Cənub Qafqazda inklüziv sülhün perspektivi” mövzusunda keçirilən panel müzakirələrində deyib.
“Əlbəttə, həmin qətnamə tamamilə əsassızdır. Çünki Azərbaycan 30 il ərzində işğala məruz qalıb. YUNESKO-nun məruzələrinə baxsaq, hər şeyi aydın görərik. Biz YUNESKO-nun Qarabağa xüsusi missiya göndərməsi ilə bağlı dəfələrlə çağırış etmişik. Əgər qətnamədə deyilənlər doğru olsaydı, biz YUNESKO-ya müraciət etməzdik. Bu gün diplomatlar, jurnalistlər gedib Qarabağı görə, dağıntılarla tanış ola bilərlər. Ermənistan işğal dövründə orada Azərbaycanın tarixi, mədəni abidələri məhv edib”, - nazir vurğulayıb.