Səudiyyə Ərəbistanındakı “Al Kindi Plaza” Azərbaycan bayrağının rənglərinə bürünüb
Səudiyyə Ərəbistanı Krallığının paytaxtı Ər-Riyadda da Azərbaycan Respublikasının Müstəqillik Günü qeyd olunub.
Ölkəmizin Səudiyyə Ərəbistanındakı səfirliyindən NUHÇIXAN İnformasiya Agentliyinə bildiriblər ki, paytaxt Ər-Riyadda yerləşən diplomatik şəhərcikdəki “Al Kindi Plaza” Azərbaycanın dövlət bayrağının rənglərinə bürünüb. Üç gün müddətində diplomatik missiyaların yerləşdiyi binaların fasadında üçrəngli bayrağımızın rəngləri işıqlandırılacaq.