Milli Müdafiə Universitetinin Cəmşid Naxçıvanski adına Hərbi Liseyində kursantların 50-ci buraxılış mərasimi keçirilir - FOTOLAR
İyunun 15-də Milli Müdafiə Universitetinin Cəmşid Naxçıvanski adına Hərbi Liseyində 2022-ci il üzrə buraxılış mərasimi başlanıb.
NUHÇIXAN İnformasiya Agentliyi xəbər verir ki, 50-ci buraxılış mərasimi münasibətilə keçirilən tədbirdə Müdafiə Nazirliyinin nümayəndələri, liseyin şəxsi heyəti, müəllimlər, məzunlar, valideynlər, ictimaiyyət və KİV nümayəndələri iştirak edirlər.
Əvvəlcə ümummilli lider Heydər Əliyevin və Azərbaycanın müstəqilliyi, ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla anılıb.
Hərbi orkestrin müşayiəti ilə şəxsi heyət Azərbaycanın Dövlət Himnini ifa etdikdən sonra, liseyin Döyüş bayrağı təntənəli surətdə meydana gətirilib.
Milli Müdafiə Universitetinin rektoru vəzifəsini icra edən, professor general-leytenant Heydər Piriyev çıxış edərək əlamətdar gün münasibətilə müdafiə nazirinin, universitetin kollektivi və öz adından məzunları təbrik edib, onlara gələcək xidmətlərində uğurlar arzulayıb.
Təntənəli buraxılış mərasimi davam edir.