“Sputnik-Azərbaycan”ın rus dili versiyasının redaktorları tam tərkibdə istefa verib
“Sputnik-Azərbaycan”ın rus dili versiyasının redaktorları – Zülfiyə Qurbanova, Cəmilə Əfəndiyeva, Yelena Starostina və Gülzar Mustafayeva istefa verib.
NUHÇIXAN İnformasiya Agentliyi xəbər verir ki, buna redaktorlardan Azərbaycanın mövqeyinə qarşı materialın verilməsinin tələb edilməsi səbəb olub.
Belə ki, redaktorlardan Müdafiə Nazirliyinin “Qisas” əməliyyatı ilə bağlı Azərbaycanın rəsmi mövqeyini təkzib edən Rusiya Müdafiə Nazirliyinin rəsmi bəyanatını vermək tələb edilib.
Adıçəkilən redaktorlar isə bundan imtina edərək istefa ərizələrini yazaraq rəhbərliyə təqdim edib.