“Artilleriya atəşinin ustaları” müsabiqəsinin püşkatma mərasimi keçirilib - FOTOLAR
“Beynəlxalq Ordu Oyunları-2022” yarışları çərçivəsində Qazaxıstanın Otar hərbi bazasında təşkil olunacaq “Artilleriya atəşinin ustaları” müsabiqəsinin püşkatma mərasimi keçirilib.
Müdafiə Nazirliyinin mətbuat xidmətindən NUHÇIXAN İnformasiya Agentliyinə bildiriblər ki, püşkatmanın nəticəsinə əsasən komandaların müsabiqənin mərhələ və epizodlarının icrası üzrə sıralanması müəyyənləşdirilib.
Həmçinin artilleriyaçılarımız atıcı silah və təchizatları da qəbul ediblər.
Qeyd edək ki, beynəlxalq müsabiqədə doqquz ölkənin komandası mübarizə aparacaq.