Moldova mətbuatı Azərbaycan Prezidentinin Praqaya səfərindən yazıb

Moldovanın xəbər portalları Azərbaycan Prezidenti İlham Əliyevin Praqaya səfəri, orada keçirdiyi görüşlərə diqqət ayırıb.

NUHÇIXAN İnformasiya Agentliyi xəbər verir ki, “Noi”, “Dosarmedia”, “Timpul” və digər xəbər portallarında dərc olunan məqalələrdə Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın Ermənistanın Baş naziri Nikol Paşinyanla birgə görüşləri tarixi hadisə adlandırılıb.

Bundan başqa məqalələrdə Praqada Azərbaycan Prezidenti İlham Əliyevin Fransa Prezidenti Emmanuel Makron, Avropa İttifaqı Şurasının Prezidenti Şarl Mişel və Ermənistanın Baş naziri Nikol Paşinyan ilə görüşünə, dövlətimizin başçısının telekanallara müsahibəsindəki fikirlərinə geniş yer verilib.