İsveç XİN: Diplomatik nümayəndəliklərə və işçilərinə hücumlar qəbuledilməzdir
İsveç hökuməti Azərbaycanın Tehrandakı səfirliyinə silahlı hücumu pisləyən bəyanat yayıb.
NUHÇIXAN İnformasiya Agentliyi xəbər verir ki, İsveç Xarici İşlər Nazirliyinin tviter səhifəsində yerləşdirilən bəyanatda deyilir: “İsveç Azərbaycanın Tehrandakı səfirliyinə bu gün (ötən gün – red.) baş verən silahlı hücumu pisləyir. Qurbanın ailəsinə başsağlığı verir və yaralananların tezliklə sağalmasını arzu edirik. Diplomatik nümayəndəliklərə və işçilərinə hücumlar qəbuledilməzdir”.