Ceyhun Bayramov Kahramanmaraşda AFAD-ı ziyarət edib - FOTOLAR

Xarici işlər naziri Ceyhun Bayramov Türkiyənin Kahramanmaraş şəhərinə səfəri çərçivəsində Türkiyənin Fövqəladə Halların İdarə Olunması Agentliyini (AFAD) ziyarət edib.

NUHÇIXAN İnformasiya Agentliyi xəbər verir ki, bu barədə XİN məlumat yayıb.

Nazir zəlzələ bölgəsindən vətəndaşların xilas edilməsi, təxliyəsi, həmçinin zəlzələnin nəticələrinin aradan qaldırılması istiqamətində görülən işlərlə tanış olub.

Qeyd edək ki, Türkiyənin daxili işlər naziri Süleyman Soylu, Türkiyənin xarici işlər naziri Mövlud Çavuşoğlu görülən işlərlə bağlı Azərbaycan XİN başçısı ilə müzakirələr aparıb.